ዘ መቄዶኒያ ሂውማኒተሪያን አሶስየሽን

Saturday, July 28, 2012

የማኅበሩ ዋና ዋና ተግባራት

ለጉዳተ ተጋላጭ የሆኑ አካል ጉዳተኞችንና ጠዋሪ ቀባሪ ያጡ አረጋዉያንን መለየት፣
በምግብ ዝግጅትና አቅርቦት በንፅህናና የቤት አያያዝ በመሰረታዊ የጤና ድጋፍ በልብስ በንፅህና አገልግሎት በግል ንጽህናና በሌሎች የቤት ውስጥ ተግባራት ላይ ተሳትፎ ማድረግ፣
ለአካል ጉዳተኞችና ለአቅመ ደካማ አረጋዊያን አገልግሎት መስጠትና አቅማቸው በማሳደግ የመሳሰሉትን የልማት እቅዶች ማከናወን፣
መንግስታዊ ከሆኑና መንግስታዊ ካልሆኑ ድርጅቶች ጋር፣ ከግል የንግድ ሥራዎችና ከግለሰቦች ጋር ወዳጅነት መፍጠር፣
በወሳኝ ጉዮች ላይ በማተኮር ዘላቂ የሆነ እድገት የሚያመጡ ሁሉን አቀፍና የተቀናጁ የማህበረሰብ ልማት ተግባራትን ማከናወን፣
አካል ጉዳተኞችንና አረጋዊያንን በተመለከተ ሥልጠናዎችን መስጠትና ጥናቶችን ማካሔድ፣
የአቅም ደካሞችንና የአረጋዊያንን ችግሮች መጋራት የሚያስችሉ የልምድ ልዉዉጦችንና ሥልጠናዎችን ማካሔድ፡፡

ዘ መቄዶንያን ሂውማኒተሪያን አሶስየሽን

መቄዶንያ የአረጋዊያንና አእምሮ ህሙማን መርጃ ማህበር ሀገር በቀል፣ መንግስታዊ ያልሆነ፣ ለትርፍ ያልተቋቀቋመ እና ነፃ ሆኖ የሚሰራ ግብረ ሰናይ ድርጅት ሲሆን የተመሰረተዉም በታህሳስ 2002 ዓ.ም ነው፡፡ የማህበሩ ዓላማ አረጋዊያንን፣ የአካል ጉዳተኞችንና በህይወት ለመኖር ምንም ዓይነት አማራጭ የሌላቸውን ሰዎች መርዳት ሲሆን ይህንም የሚያደርገው መጠለያ፣ ልብስ፣ ምግብና ሌሎች መሠረታዊ የሆኑ ነገሮችን በማቅረብ ነው፡፡ ይህ ማህበር መቀመጫዉን ኢትዮጵያ ውስጥ ያደረገ ግብረ ሰናይ ድርጅት ሲሆን ዋና መቀመጫውን በኢትዮጵያ አዲ አበባ ባደረገው የኢትዮጵያ ፍደራላዊ መንግስት ግብረ ሰናይ ድርጅቶችና ማሕበራት ኤጀንሲ መተዳደሪያ ህግ ስር ያለ ሕጋዊ አካል ነው፡፡ ባሁኑ ጊዜ መቄዶንያ የአረጋዊያንና አእምሮ ህሙማን መርጃ ማህበር ከላይ የተጠቀሱትን አገልግሎቶች 70 (ሰባ) ለሚሆኑ የአእምሮ ህሙማንና መጠጊያ ለሌላቸው አረጋዉያን እየሰጠ ይገኛል፡፡እንኚህ ሰዎች መኖሪያ ቤት አልባ የነበሩ ሲሆን እንደ ሀዋሳ፣ ደብረዘይት፣ ደብረሊባኖስ፣ አዲስ አበባና ጉደር ከመሳሰሉ የተለያዩ የሃገሪቱ ክፍሎች የተሰባሰቡ ናቸው፡፡ ብዙዎቹ ሰዎችን የሰውነትና ፀጉርና፣ የእንቅስቃሴ፣ የሽንትቤት አጠቃቀም፣ የልብስ አለባበስና የጥርስ ንፅህና እርዳታ የሚያስፈልጋቸው ሰዎች ናቸው፡፡
ይህ ማህበር አገልግሎቱ ተጠቃሚ ላልሆኑት ተደራሽነት እንዲኖረው በማሰብ ሁለገብ የሆነ ሕንፃ ለመገንባት በማቀድ ላይ ይገኛል፡፡ መቄዶንያ የአረጋዊያንና አእምሮ ህሙማን መርጃ ማህበር የአረጋውያንን እና የአዕምሮ ህሙማንን ፍላጎት ለማመሟላት ከፍተኛ ጥረትን የሚያደርግ ድርጅት ነው!

ዘ መቄዶኒያ ሂውማኒተሪያን አሶስየሽን

Saturday, July 28, 2012

የማኅበሩ መዋቅር

የደግነት ሥራ ፍሬዎች

የማኅበሩ ክንውኖች

የማኅበሩ ዋና ዋና ተግባራት